4 کارروائیوں کے دوران 227 کلوگرام سے زائد منشیات برآمد
باڑہ خیبرمیں کارروائی کے دوران 201کلوگرام سے زائد چرس تحویل میں لی گئی، ترجمان اے این ایف
اینٹی نارکوٹکس فورس نے باڑہ خیبرمیں کارروائی کے دوران 201کلوگرام سے زائد چرس تحویل میں لےلی۔
ترجمان اے این ایف کے مطابق منشیات اسمگنگ کے خلاف4 تازہ کارروائیوں کے دوران 227کلوگرام سے زائد منشیات برآمد کرکے 4ملزمان کو گرفتارکرلیاگیا۔
ترجمان کے مطابق مزید کاررائیوں کے دوران ایم ون ایم ون موٹر وے ٹول پلازہ اسلام آباد کے قریب 12کلوگرام چرس تحویل میں لی گئی، جس میں دوملزمان کی گرفتاری عمل میں آئی ہے۔
علاوہ ازیں شیرشاہ ٹول پلازہ ملتان کے قریب 2عدد الیکٹریک ہیٹرسے 12کلوچرس برآمد کی گئی، مذکورہ کارروائی میں ایک ملزم گرفتارہوا، رنگ روڈلاہور کے قریب گاڑی سے 2 کلو کوکین برآمد کرکے ایک ملزم کو گرفتارکیاگیا۔