(فوٹو : فائل)
محکمہ موسمیات کے مطابق آئندہ تین روزکے دوران سمندری ہواؤں کی دوبارہ بندش اوربیشتروقت بلوچستان کی شمال مشرق ہوائیں چلنے کے نتیجے میں کم سے کم پارہ 13 ڈگری سینٹی گریڈ تک گرنے کی توقع ہے۔
چیف میٹرولوجسٹ کراچی سردارسرفراز کا کہنا ہے کہ گزشتہ دنوں بلوچستان میں داخل ہونے والے مغربی سلسلے کے تحت بارش کا کوئی امکان نہیں البتہ درجہ حرارت میں کچھ کمی ہوسکتی ہے۔
محکمہ موسمیات کے مطابق ہفتے کی صبح سب سے کم درجہ حرارت جناح ٹرمینل پر13.9 ڈگری ریکارڈ ہوا۔ گلستان جوہرمیں 14 ڈگری، شاہ فیصل میں 16.5 ڈگری جبکہ سرکاری ڈیٹا ریکارڈ کرنے کے حامل ویدراسٹیشن (پہلوان گوٹھ) پر کم سے کم پارہ 14.5 ڈگری سینٹی گریڈ ریکارڈ ہوا۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔