سونے سے پہلے مخصوص پھل کھانا کیا واقعی نیند کو بہتر بناتا ہے
سلیپ چیریٹی نے 2024 میں بہتر معیاری نیند حاصل کرنے کے طریقے کے بارے میں پانچ تجاویز جاری کی ہیں
نیند کی صحت سے متعلق ٹریننگ اور سپورٹ فراہم کرنے والے ادارے سلیپ چیریٹی کے مطابق رات کے کھانے میں کیلا کھانا اچھی نیند کی کلید ثابت ہو سکتا ہے۔
سلیپ چیریٹی نے 2024 میں بہتر معیاری نیند حاصل کرنے کے طریقے کے بارے میں پانچ تجاویز جاری کی ہیں جس میں سونے سے کچھ دیر پہلے پھلوں کا استعمال سرفہرست ہے۔
ادارے کا کہنا ہے کہ کیلے میں خاص طور پر میگنیشیم اور پوٹاشیم کی اعلی سطح پٹھوں کو آرام دینے میں مدد کرتے ہیں جس کی وجہ سے اچھی نیند حاصل کی جاسکتی ہے۔
مزید برآں کیلے میں امائنو ایسڈ ٹرپٹوفن بھی ہوتا ہے جو دماغ کو پرسکون کرنے والے ہارمونز کی پیداوار کو متحرک کرتا ہے۔ کچھ مخصوص پھل میلاٹونن کی پیداوار کی بھی حوصلہ افزائی کرتے ہیں جو کہ ایک ہارمون ہے جو قدرتی طور پر انسانی جسم میں پایا جاتا ہے اور نیند میں بہت بڑا کردار ادا کرتا ہے۔
ہیلتھ سائنسز اینڈ ڈزیزز میں اینٹی آکسیڈنٹس کے خصوصی شمارے میں شائع ہونے والی تحقیق میں انگور، ٹارٹ چیری اور اسٹرابیری پھلوں میں میلاٹونن کے بہترین ذرائع قرار دیا گیا ہے۔