بابر کی ٹیسٹ فارم پر سوالیہ نشان لگ گیا گزشتہ 6اننگز میں 148رنز

بابر اعظم نے پرتھ ٹیسٹ سے قبل 49ٹیسٹ میں 47.74کی اوسط سے 3772رنز اسکور کیے ہیں۔ فوٹو: اے ایف پی

---

بابر اعظم کی ٹیسٹ فارم پر سوالیہ نشان لگ گیا، وہ گذشتہ 6اننگز میں 24.66کی اوسط سے 148رنز بنا سکے۔

بابر اعظم کی ٹیسٹ فارم پر سوالیہ نشان لگ گیا، انھوں نے اپنی گذشتہ 6اننگز میں 24.66کی اوسط سے 148رنز بنائے ہیں،اس میں کوئی بھی ففٹی شامل نہیں۔

نیوزی لینڈ کیخلاف کراچی ٹیسٹ میں بابر نے 24اور 27کی اننگز کھیلیں،سری لنکا کیخلاف گال ٹیسٹ کے دوران پہلی باری میں 13اور دوسری میں 24رنز بنائے،کولمبو میں ایک ہی اننگز کھیلی اور 39رنز اسکور کیے۔

یہ بھی پڑھیں: ٹیسٹ سیریز کے آغاز سے قبل آسٹریلوی بالرز نے ''بابراعظم'' کا خوف پال لیا

گزشتہ روز پرتھ ٹیسٹ میں ایک بار پھر بابر بڑا اسکور نہیں کرپائے اور 21رنز بناکر مچل مارش کی گیند پر الیکس کیری کا شکار بن گئے۔

یاد رہے کہ بابر اعظم نے پرتھ ٹیسٹ سے قبل 49ٹیسٹ میں 47.74کی اوسط سے 3772رنز اسکور کیے ہیں۔