سلمان علی آغا بریسلٹ کی وجہ سے مشکل میں پڑگئے کلائیوں کا معائنہ

پہلے روز فاکس کرکٹ کے کیمروں نے سلمان علی آغاکو فوکس کیا۔ فوٹو: گیٹی امیجز

---

قومی ٹیم کے آل راؤنڈر سلمان علی آغا بریسلٹ کی وجہ سے مشکل میں پڑگئے۔

پرتھ ٹیسٹ میں سلمان علی آغااپنے بریسلٹ کی وجہ سے مشکل میں آگئے، امپائرز نے 2 مرتبہ آستینیں اوپر کروا کر ان کی کلائیوں کا جائزہ لیا، پہلے روز فاکس کرکٹ کے کیمروں نے سلمان علی آغاکو فوکس کیا، جن سے ایک امپائر نے اپنی کلائیاں دکھانے کو کہا۔

یہ واقعہ اس وقت پیش آیا جب خرم شہزاد کی گیند پر اسٹیون اسمتھ آؤٹ ہوئے اور پاکستانی کھلاڑی جشن منارہے تھے، تھوڑی دیر بعد امپائرز نے پھر آل راؤنڈر کو طلب کیا اور ان سے آستینیں اوپر کرنے کو کہا، جس پر سلمان علی آغانے اپنی کلائی پر موجود بریسلٹ دکھایا، کپتان شان مسعود بھی وہاں پہنچ گئے۔

یہ بھی پڑھیں: بابر اعظم 13 ہزار انٹرنیشنل رنز بنانے والے پاکستان کے پانچویں کرکٹر

اس دوران سلمان نے اپنا بریسلٹ ڈیوڈ وارنر کو دکھاکر کوئی بات کی اور وہاں سے چلے گئے جبکہ آسٹریلوی اوپنر دوبارہ کھیلنے لگے۔

یہ بھی پڑھیں: سعود شکیل نے ٹیسٹ کرکٹ میں ایک اور ورلڈ ریکارڈ قائم کردیا

 

اس موقع پر کمنٹری کرنے والے سابق اسپنر کیری اوکیف نے پوچھا کہ وہاں پر کیا بات ہوئی، دوسرے کمنٹیٹر مارک ہاورڈ نے کہا کہ سلمان کے بریسلٹ پر تشویش ظاہر کی گئی، وارنر نے کہا کہ کوئی بات نہیں کھیلتے رہو۔

اس حوالے سے پھر کوئی ایکشن نہیں لیا گیا تاہم اس موقع کا کلپ سوشل میڈیا پر وائرل ہوگیا۔