حالات بدترہیںتبدیلی نہ آئی توملک تباہ ہوجائیگا ڈاکٹرقدیر

ایٹمی سائنسدان ڈاکٹر عبدالقدیر خان نے کہاکہ ملک کے حالا ت بدسے بدترہوتے جارہے ہیں اگرتبدیلی نہ آئی توملک تباہ ہوجائے گا۔


عوام جیالے اورمتوالے بننے کے بجائے پاکستانی بنیں اورملک کوبچائیں، پاکستان کو ایٹمی قوت بناکردفاع ناقابل تسخیرکردیا۔راولپنڈی ہائیکورٹ بارایسوسی ایشن سے خطاب کرتے ہوئے انھوں نے کہاکہ نوازشریف نے ایٹمی دھماکے اورمیزائل تجربات ضرورکیے تھے لیکن پاکستانی ایٹمی پروگرام کے بانی ذوالفقاربھٹوہیں،عمران خان سے بڑی توقعات تھیں لیکن انھوں نے مایوس کیا۔

عمران خان اور نواز شریف کو اللہ ہدایت دے اور سیدھاراستہ دکھائے،یہ لوگ مشیروں کے چنگل میں پھنس چکے ہیں، عمران خان کوان کے مشیروں نے باورکرارکھاہے کہ وہ اکیلے ہی میدان مارلیںگے لیکن ایساممکن نہیں،مل جل کرہی آگے بڑھا جاسکتا ہے، پاکستان کے ساتھ چھیڑچھاڑکرنے والوں کانام ونشان مٹانے کی صلاحیت رکھتے ہیں۔