سیاسی منظر نامے پر بڑی ہلچل فیصل واؤڈا کی آصف زرداری سے اہم ملاقات

فوٹو پیپلزپارٹی ایکس اکاؤنٹ

---

سابق وفاقی وزیر و سینیٹر فیصل واؤڈا کی پاکستان پیپلزپارٹی کے شریک چیئرمین اور سابق صدر آصف علی زرداری سے اہم ملاقات ہوئی ہے۔

تفصیلات کے مطابق ملکی سیاسی منظر نامے پر ہلچل اُس وقت ہوئی جب کراچی بلاول ہاؤس میں سابق صدر آصف علی زرداری سے فیصل واؤڈا کی اہم ملاقات ہوئی۔

دونوں رہنماؤں کے درمیان خوشگوار ماحول میں ملاقات ہوئی جس میں ملکی اور سندھ کی سیاسی صورت حال پر تبادلہ خیال کیا گیا۔

سیاسی منظر نامے میں بڑی ہلچل
Follow our WhatsApp channel: https://t.co/HCATVJBjKj#expressnews #breakingnews #asifalizadari #faisalwavda pic.twitter.com/bApDok9R46

- Express News (@ExpressNewsPK) December 22, 2023

علاوہ ازیں ملاقات میں ملک کی موجودہ صورت حال سمیت عام انتخابات پر دونوں رہنماؤں کے درمیان سیر حاصل گفتگو ہوئی۔

کراچی: پاکستان پیپلزپارٹی پارلیمنٹرینز کے صدر اور سابق صدر مملکت آصف علی زرداری سے فیصل واؤڈا کی ملاقات ہوئی جس میں سیاسی صورت حال پر تبادلہ خیال کیا گیا۔@AAliZardari pic.twitter.com/eOMgLVs54i

- PPP (@MediaCellPPP) December 22, 2023

پاکستان پیپلزپارٹی کے ترجمان کی جانب سے آصف زرداری اور فیصل واؤڈا کی ملاقات کی تصویر بھی شیئر کی گئی جس میں سابق صدر خوشگوار موڈ میں سابق وفاقی وزیر کے ساتھ کھڑے ہیں۔

واضح رہے کہ سیاسی منظر نامے میں اہم مقام رکھنے والے تحریک انصاف کو خیر باد کہنے کے بعد فیصل واؤڈا کی پہلی بار کسی سیاسی جماعت کے سربراہ سے ملاقات ہوئی ہے۔