شاہ رخ خان کی ’ڈنکی‘ نے پوری دنیا میں 200 کروڑ سے زائد بزنس کرلیا
پرابھاس کی فلم ’سالار‘ نے اوپننگ ڈے پر 178 کروڑ کا ریکارڈ توڑ بزنس کرکے انڈسٹری میں تہلکہ مچادیا ہے
بالی وڈ کنگ شاہ رخ خان کی نئی کامیڈی ڈراما فلم 'ڈنکی' نے پوری دنیا میں دو سو کروڑ سے زائد بزنس کرلیا۔
پرابھاس کی فلم 'سالار' کی ریلیز کے بعد 'ڈنکی' کا بزنس متاثر ہوا تھا لیکن اب اس میں اضافہ دیکھنے میں آیا ہے۔
بھارتی میڈیا ذرائع کے مطابق راج کمار ہیرانی کی فلم نے دوسرے دن 21 کروڑ تک کا بزنس کیا ہے اور یہ پہلے دن کے بزنس سے 25 فیصد کم تھا۔
دوسری طرف پرابھاس کی فلم 'سالار' نے اوپننگ ڈے پر 178 کروڑ کا ریکارڈ توڑ بزنس کرکے انڈسٹری میں تہلکہ مچادیا ہے ارر اس کا دو دن کا مجموعی بزنس 295 کروڑ تک جا پہنچا ہے۔
واضح رہے کہ 'سالار' ڈائریکٹر پرشانت نیل نے اس سے قبل بھی شاہ رخ کی فلم 'زیرو' سے مقابلہ کیا تھا اور ان کی فلم 'کے جی ایف' نے متعدد ریکارڈ قائم کیے تھے۔