بلوچستان کے دارالحکومت میں فائرنگ کے نتیجے میں خاتون سمیت دو افراد جاں بحق ہوگئے۔

تفصیلات کے مطابق کوئٹہ کے علاقے سیٹلائٹ ٹاؤن میں واقع گول مسجد کے قریب نامعلوم افراد نے اندھا دھند فائرنگ کی۔

فائرنگ کے نتیجے میں خاتون سمیت دو افراد جاں بحق ہوئے، جن کی لاشوں کو ریسکیو کر کے اسپتال منتقل کردیا گیا۔

واقعے کے بعد پولیس اور لیویز کی ٹیمیں جائے وقوعہ پر پہنچیں اور موقع سے شواہد اکھٹے کیے۔ پولیس کے مطابق مرنے والے افراد آپس میں رشتے دار تھے تاہم واقعے کی اصل وجہ سامنے نہیں آسکی۔