سندھ پولیس میں ایڈیشنل آئی جی کی 5اسامیاں خالی

حکومت سندھ کے پاس 21 گریڈ کا ایسا کوئی افسر نہیں ہے جسے فوری طور پر ان خالی عہدوں پر تعینات کیا جا سکے

Staff Reporter May 29, 2014

ایڈیشنل آئی جی سی آئی ڈی ، ایڈیشنل آئی جی ریسرچ اینڈ ڈیولپمنٹ ، ایڈیشنل آئی جی سندھ ، ایڈیشنل آئی جی ٹریفک سندھ اور ایڈیشنل آئی جی کرائم برانچ کے عہدے خالی ہیں. فوٹو: فائل

SIALKOT: حکومت سندھ کی جانب سے ایڈیشنل آئی جی سندھ غلام حیدر جمالی کو چیئرمین اینٹی کرپشن اینڈ اسٹیبلیشمنٹ تعینات کیے جانے کے بعد سندھ پولیس میں ایک اور ایڈیشنل آئی جی کا عہدہ خالی ہوگیا جس کے بعد ایڈیشنل آئی جی کے مجموعی طور پر 5 عہدے خالی ہوگئے۔

حکومت سندھ کے پاس 21 گریڈ کا ایسا کوئی افسر نہیں ہے جسے فوری طور پر ان خالی عہدوں پر تعینات کیا جا سکے۔ واضح رہے کہ ایڈیشنل آئی جی کراچی شاہد حیات کو ہٹانے کے بعد ایڈیشنل آئی جی ٹریفک سندھ کو ایڈیشنل آئی جی کراچی کا عہدہ دیدیا گیا جبکہ ایڈیشنل آئی جی سی آئی ڈی ، ایڈیشنل آئی جی ریسرچ اینڈ ڈیولپمنٹ ، ایڈیشنل آئی جی سندھ ، ایڈیشنل آئی جی ٹریفک سندھ اور ایڈیشنل آئی جی کرائم برانچ کے عہدے خالی ہیں ان عہدوں پر او پی ایس پر گریڈ 20 کے افسران کو تعینات تھے تاہم سپریم کورٹ کے حکم کے بعد تمام او پی ایس پولیس افسران کو ہٹا دیا گیا جس کے باعث سندھ پولیس کو انتظامی امور میں مشکلات کا سامنا کرنا پڑ رہا ہے۔