کراچی میں چھینے گئے 20 بکرے برآمد تین ڈاکو گرفتار

فوٹو: ایکسپریس ویب

---

پولیس نے بکروں سے بھرا ٹرک چھیننے والے 3 ڈاکوؤں کو گرفتار کرکے 20 بکرے برآمد کرلیے۔

ایکسپریس نیوز کے مطابق سعود آباد پولیس نے تکنیکی بنیاد اور سی سی ٹی وی فوٹیج کی مدد سے اسلحے کے زور پر جانوروں سے بھرا ٹرک چھیننے والے 3 ڈکیتوں گل ولی، سہیل احمد اور سلمان احمد کو گرفتارکرکے ان کے قبضے سے تین پسٹل، چھیننے ہوئے 20 بکرے، واردات میں استعمال ہونے والی گاڑی، 15 ہزار نقدی اور2 موٹرسائیکلیں بھی برآمد کرلیں۔

گرفتار ملزمان نے 21 دسمبر 2023 کونیشنل ہاٸی وے پربکروں سے بھرا ٹرک چھیننا تھا۔ ڈاکواسلحے کے زورپرٹرک ڈراٸیورسے 15 لاکھ مالیت کے بکرے چھین کرفرارہوگئے تھے۔ گرفتارڈاکوؤں کا گروہ بھینس کالونی، سجاول، گھارو اور نیشنل ہاٸی وے پر لوٹ مار کی وارداتوں میں انتہاٸی سرگرم تھا۔

ڈاکو پہلے جانوروں سے بھری گاڑی یا ٹرک کی ریکی کرتے اورپھرسنسان جگہ دیکھ کر گاڑی روک لیتے گاڑی کے ڈراٸیور کو اسلحے کے زور پر ڈراتے دھمکاتے اور کچھ فاصلے پر اتار کرجانوروں سے بھری گاڑی لےکر فرار ہوجاتے۔

گرفتار گینگ ڈکیتی اور لوٹ مار کی وارداتوں کیلئے کرائے کی گاڑیوں کا استعمال کرتا تھا۔ انتہاٸی خطرناک اورسرگرم گروہ کو سعودآباد پولیس نے انتھک محنت کے بعد گرفتارکیا۔ ملزمان کے خلاف مقدمہ درج کرکے مزید تفتیش جاری ہے۔