’’اگر پاکستان کی موجودہ ٹیم بھارت کو ہرادیتی ہے تو اَپ سیٹ ہوگا‘‘

(فوٹو: ایکسپریس ویب) گوتم گمبھیر ایک مرتبہ پھر بڑے بول بولنے لگے

---

سابق اوپنر گوتم گمبھیر نے بھارتی کرکٹ ٹیم کو پاکستان سے ''بہت برتر'' قرار دیدیا۔

اسٹار اسپورٹس کو دیئے گئے انٹرویو میں سابق کرکٹر گوتم گمبھیر نے کہا کہ عام طور پر پاکستان اور بھارت کو روایتی حریف تصور کیا جاتا ہے تاہم میرے نزدیک اصل دشمنی آسٹریلیا اور بھارت کے درمیان ہے۔

انہوں نے کہا کہ بھارت کی ٹیم پاکستان سے بہت برتر ہے اور اس دشمنی اب کوئی توازن نہیں رہا کیونکہ یکطرفہ طور پر ہندوستانی ٹیم نے کامیابیاں حاصل کی ہیں۔

مزید پڑھیں: ٹی20 ورلڈکپ؛ پاک بھارت مقابلہ امریکا کے کس شہر میں ہوگا؟ نام پر اتفاق ہوگیا

سابق کرکٹر نے کہا کہ فی الحال آپ دونوں ٹیموں کی کارکردگی کو دیکھیں تو بھارت بہت آگے نظر آتا ہے، میرے نزدیک اگر پاکستان بھارت ہراتا ہے تو وہ ایک اَپ سیٹ ہوگا۔

گزشتہ برس آئی سی سی ورلڈکپ فائنل میں آسٹریلیا نے بھارت کو ہوم گراؤنڈ پر شکست دیکر چیمپئین بننے کا اعزاز حاصل کیا تھا۔