جنوبی کوریا کے اپوزیشن رہنما چاقو حملے میں زخمی

اپوزیشن رہنما کو اسپتال منتقل کیا گیا اور ان کی حالت خطرے سے باہر بتائی جا رہی ہے:فوٹو:سوشل میڈیا

---

جنوبی کوریا میں اپوزیشن پارٹی کے رہنما چاقو کے حملے میں زخمی ہوگئے۔

غیرملکی میڈیا کے مطابق جنوبی کوریا کی اپوزیشن جماعت ڈیموکریٹک پارٹی کے رہنما لی جے میونگ ساحلی شہربوسان کے دورے پر تھے کہ ایک شخص نے ان کی گردن میں چاقو گھونپ دیا۔لی جنگ میونگ کو بے ہوشی کی حالت میں فوری طور پر اسپتال منتقل کیا گیا جہاں ان کی حالت خطرے سے باہر بتائی جارہی ہے۔

پولیس حکام کا کہنا ہے کہ حملہ آور کی عمر 50 سے 60 سال کے درمیان ہے اوروہ آٹوگراف لینے کے بہانے اپوزیشن رہنما کے قریب آیا۔ حملہ آور کو گرفتار کرلیا گیا ہے۔ واقعہ کی مزید تحقیقات جاری ہیں۔

Video shows the moment South Korean opposition leader Lee Jae-myung was stabbed in his neck at press conference in Busan, South Koreahttps://t.co/o2AHH4jP5o#Korea #SouthKorea #stabbing

- Raw Reporting (@Raw_Reporting) January 2, 2024

لی جے کو ایک ترقیاتی منصوبے میں بطور میئر مبینہ طور پر رشوت لینے کے الزام میں مقدمے کا سامنا ہے جبکہ انہوں نے الزامات کو مسترد کیا ہے۔ لی جے میونگ اگست 2022 سے مرکزی اپوزیشن پارٹی کی قیادت کر رہے ہیں۔ جنوبی کوریا کے آئندہ پارلیمانی انتخابات رواں سال اپریل میں ہوں گے۔