ابرار احمد اَن فٹ نیوزی لینڈ کیخلاف ٹی20 سیریز سے باہر
محمد نواز، زمان خان، حارث رؤف اور اسامہ میر آسٹریلیا سے آکلینڈ پہنچ کر ٹی ٹوئنٹی اسکواڈ کو جوائن کریں گے
لیگ اسپنر ابرار احمد مکمل فٹ نہ ہونے کے سبب نیوزی لینڈ کے خلاف پانچ میچوں کی ٹی ٹوئنٹی سیریز میں حصہ نہیں لے پائیں گے، وہ وطن واپس جارہے ہیں جہاں نیشنل کرکٹ اکیڈمی میں ان کا ری ہیب جاری رہے گا۔
پی سی بی کے مطابق لیفٹ آرم اسپنر محمد نواز کو ٹیسٹ اسکواڈ سے ریلیز کردیا گیا ہے اور انہوں نے دیگر تین کھلاڑیوں زمان خان، حارث رؤف اور اسامہ میر کے ساتھ ٹی ٹوئنٹی سیریز کی تیاری کا آغاز کردیا ہے، یہ چاروں کھلاڑی پانچ جنوری کو آسٹریلیا سے آکلینڈ پہنچ کر ٹی ٹوئنٹی اسکواڈ میں شامل دیگر کھلاڑیوں کے ساتھ سیریز کی پریکٹس شروع کردیں گے۔
مزید پڑھیں: دورہ نیوزی لینڈ؛ قومی ٹیم کا اعلان، 3 وکٹ کیپر شامل
واضح رہے کہ پاکستان اور نیوزی لینڈ کے درمیان پہلا ٹی ٹوئنٹی انٹرنیشنل 12 جنوری کو آکلینڈ میں کھیلا جائے گا۔