اسرائیلی فوج کی غزہ میں مسجد کی بے حرمتی کی ویڈیو جاری

اسرائیلی فوج نے دھماکا خیز مواد سے مسجد کو شہید کردیا۔فوٹو: ایکس

---

اسرائیل کی فوج نے غزہ میں ایک مسجد کی بے حرمتی کرکے اڑانے کی ویڈیو سوشل میڈیا پر جاری کردی۔

سماجی رابطے کی ویب سائٹ ایکس پر جاری ویڈیو میں دیکھا جاسکتا ہے کہ اسرائیلی فوجی ایک خالی مسجد میں فائرنگ کرتے ہوئے داخل ہوتے ہیں اور مسجد کے اندر انتہائی بے حرمتی کرتے ہوئے نظر آتے ہیں۔

اسرائیلی فوج مسجد کے اندر ناچتے ہوئے دھماکا خیز مواد نصب کرتے ہیں اور مذاق اڑاتے ہیں، اس دوران مسجد کی دیواروں پر فائرنگ بھی کی جارہی ہوتی ہے۔

Israeli soldiers published footage showing them mocking and destroying a mosque in Gaza. pic.twitter.com/SHFLh8t3H4

- Quds News Network (@QudsNen) December 31, 2023

آخر میں مسجد کو دھماکے سے شہید کردیا گیا اور اس کے ساتھ اسرائیلی فوجی نعرے بلند کرتے ہوئے نظر آرہے ہیں۔

حماس کی جانب سے 6 اکتوبر کو اسرائیل کے مختلف علاقوں میں حملوں کے بعد جاری جنگ کے دوران اسرائیل نے وحشیانہ بمباری کرتے ہوئے غزہ میں 21 ہزار سے زائد شہریوں کو شہید کردیا ہے اور ان میں ہزاروں بچے بھی شامل ہیں۔