ٹی20 ورلڈکپ 2024 پاک بھارت مقابلے کی ممکنہ تاریخ سامنے آگئی

قومی ٹیم ایونٹ میں پہلا میچ کب کھیلے گی، ابتدائی شیڈول سامنے آگیا

ویب ڈیسک January 04, 2024

قومی ٹیم ایونٹ میں پہلا میچ کب کھیلے گی، ابتدائی شیڈول سامنے آگیا (فوٹو: ایکسپریس ویب)

آئی سی سی ٹی20 ورلڈکپ 2024 میں پاکستان اور بھارت کے درمیان مقابلے کی تاریخ سامنے آگئی۔

میڈیا رپورٹس کے مطابق رواں سال امریکا اور ویسٹ انڈیز میں شیڈول آئی سی سی ٹی20 ورلڈکپ 2024 کا ابتدائی شیڈول تیار کرلیا گیا ہے، جس میں پاکستان اور بھارت کی ٹیموں کو ایک ہی گروپ میں رکھا گیا ہے۔

رپورٹس میں دعویٰ کیا گیا ہے کہ ٹی20 ورلڈکپ کا آغاز 4 تا 20 جون امریکا اور ویسٹ انڈیز میں کھیلا جائے گا، جس میں کُل 20 ٹیمیں شریک ہوں گی جنہیں 5،5 کی شکل میں چار گروپس میں تقسیم کیا گیا ہے۔

مزید پڑھیں: ٹی20 ورلڈکپ؛ پاک بھارت مقابلہ امریکا کے کس شہر میں ہوگا؟ نام پر اتفاق ہوگیا

پاکستان کے علاوہ گروپ میں بھارت، آئرلینڈ ، کینیڈا اور میزبان امریکا ایک ہی گروپ میں شامل ہیں۔

قومی ٹیم ایونٹ میں اپنا پہلا میچ 6 جون کو امریکا جبکہ 9 جون روایتی حریف بھارت کے خلاف نیویارک میں مدمقابل آئے گی۔ اس میچ کو برصغیر کے ٹائم زون سے متعلق کرائے جانے کا امکان ہے تاکہ زیادہ سے زیادہ شائقین کرکٹ لطف اندوز ہوسکیں۔

مزید پڑھیں: ٹی20 ورلڈکپ؛ پہلے میچ سے 178سال پرانی یاد تازہ ہوگی

قومی ٹیم 11 جون کو کینیڈا جبکہ 16 جون کو آئرلینڈ سے فلوریڈا میں ٹکرائے گی۔

واضح رہے کہ شیڈول کو منظوری کیلئے بورڈز اور براڈ کاسٹرز کو بھیج دیا ہے، جس کے بعد حتمی فیصلہ کیا جائے گا۔