ڈیوڈ وارنر نے بگ بیش میچ میں شرکت کیلیے ہیلی کاپٹر بک کرالیا

2 ایئرکرافٹ کے ساتھ ہیلی کاپٹر کی بکنگ بھی کرائی، سفر موسم سے مشروط ہے، آسٹریلوی اوپنر۔ فوٹو: جی ایم فوٹوگرافکس

---

آسٹریلوی اوپنر ڈیوڈ وارنر نے اسٹیون اسمتھ کے خلاف بگ بیش میچ میں شرکت کیلیے ہیلی کاپٹر بک کرالیا تاکہ اپنے بھائی کی شادی سے سیدھا اسٹیڈیم پہنچ سکیں۔

اسٹیون اسمتھ جمعے کے روز سڈنی سکسرز کی جانب سے اس سیزن میں واحد بگ بیش میچ کھیلیں گے، حریف ٹیم سڈنی تھنڈر میں وارنر شامل ہیں مگر اسی روز ان کے بھائی کی 250 کلومیٹر دوری پر شادی کی تقریب ہے۔

یہ بھی پڑھیں: عثمان خواجہ کی والدہ کی ڈیوڈ وارنر کو گلے لگانے کی تصویر وائرل

ڈیوڈ وارنر نے کہا کہ میں نے 2 ایئرکرافٹ کے ساتھ ہیلی کاپٹر کی بکنگ بھی کرائی، سفر موسم سے مشروط ہے، میری پوری کوشش ہوگی کہ شادی کی تقریب سے فارغ ہوتے ہی سڈنی پہنچ جاؤں تاکہ اسمتھ کے خلاف بگ بیش میچ کھیلنے کا موقع مل سکے۔