دپیکا پڈوکون کیلیے ائیرپورٹ پرخوشگوار سرپرائز ویڈیو وائرل

سوشل میڈیا نے دپیکا پڈوکون کی خوش اخلاقی کو سراہا:فوٹو:اسکرین گریب

---

بالی ووڈ اداکارہ دپیکا پڈوکون بیرون ملک جانے کے لیے اپنے شوہراداکار رنویر سنگھ کے ساتھ ائیرپورٹ پہنچیں تو انہیں خوشگوار سرپرائز مل گیا۔

بالی ووڈ کی متعدد میگا ہٹ فلموں کی ہیروئن دپیکا پڈوکون ممبئی ائیرپورٹ پہنچیں اور گاڑی سے اتر کر اندر جانے لگیں تو اس وقت انہیں خوشگوار سرپرائز ملا جب ایک فوٹوگرافر نے دپیکا کو سالگرہ کی مبارکباد کے ساتھ کیک پیش کیا۔

View this post on Instagram

A post shared by Sunilkumar Gol (Photographer) (@goley.sunil_)

سوشل میڈیا پر وائرل ویڈیو میں دیکھا جا سکتا ہے کہ فوٹوگرافر کی جانب سے غیر متوقع کیک پیش کرنے پر دپیکا پڈوکون خوش ہو گئیں۔ فوٹوگرافر کی فرمائش پر دیپیکا نے کیک کاٹا جبکہ ان کے شوہر رنویر سنگھ نے کیک کا ڈبا پکڑا اور دیگر فوٹوگرافرز کے ساتھ مل کر ہیپی برتھ ڈے گایا۔ دپیکا پڈوکون نے کیک کاٹنے کے بعد خود بھی کھایا اور فوٹوگرافر کے ساتھ ساتھ رنویر سنگھ کو بھی کھلایا۔

دپیکا پڈوکون نے سوشل میڈیا پر فوٹوگرافر کا شکریہ ادا کرتے ہوئے ان کے لیے نیک خواہشات کا اظہار کیا۔ سوشل میڈیا صارفین نے دپیکا کے اچھے سلوک اور خوش اخلاقی کو سراہا۔