کئی سینئر بھارتی کرکٹرز کے شرابی ہونے کا انکشاف

کیا سچن ٹنڈولکر، ساروگنگولی یا راہول ڈریوڈ شراب پیتے تھے تو سابق بھارتی کرکٹرنے کہا کہ میں کسی کا نام نہیں لینا چاہتا۔ فوٹو: ایکسپریس ویب

---

سابق بھارتی کرکٹر پراوین کمار نے کئی سینئر کھلاڑیوں کے شرابی ہونے کا انکشاف کیا ہے۔

سابق بھارتی کرکٹر پراوین کمار نے ایک انٹرویو میں کہا کہ پیتے سب ہی ہیں مگر مجھے بدنام کیا گیا کہ پراوین کمار شراب پیتا ہے، جب ان سے پوچھا گیا کہ کیا سچن ٹنڈولکر، ساروگنگولی یا راہول ڈریوڈ شراب پیتے تھے تو پراوین نے کہا کہ میں کسی کا نام نہیں لینا چاہتا، سب جانتے ہیں کہ کون شراب پیتا ہے۔

یہ بھی پڑھیں: کاؤنٹی کرکٹ؛ قومی کرکٹرز جوئے اور شراب کمپنیز کی تشہیر سے دور

انہوں نے بتایا کہ جب وہ ٹیم میں گئے تو سب نے کہا کہ شراب نہیں پینا، یہ نہیں کرنا وہ نہیں کرنا، مگر میں نے دیکھا کہ جس کام سے مجھے منع کیا گیا وہ دوسرے کررہے تھے، مجھے ہی بدنام کردیا گیا، اسی وجہ سے مجھے کوچنگ جاب نہیں ملی، رنجی ٹیم کے ساتھ کام کرنے کا موقع نہیں دیا گیا۔