شکیب الیکشن جیتنے کے 24 گھنٹے بعد کرکٹ میدان میں لوٹ آئے

گزشتہ روز وہ جب انڈور نیٹ پریکٹس کیلیے شیربنگلہ اسٹیڈیم پہنچے تو ان پر پھولوں کی پتیاں نچھاور کی گئیں

Sports Desk January 10, 2024

گزشتہ روز وہ جب انڈور نیٹ پریکٹس کیلیے شیربنگلہ اسٹیڈیم پہنچے تو ان پر پھولوں کی پتیاں نچھاور کی گئیں۔ فوٹو: ٹی او آئی

شکیب الحسن پارلیمانی الیکشن جیتنے کے 24 گھنٹے بعد ہی کرکٹ میدان میں واپس لوٹ آئے۔

بنگلہ دیشی آل راؤنڈر شکیب الحسن پارلیمانی الیکشن جیتنے کے 24 گھنٹے بعد ہی کرکٹ میدان میں واپس لوٹ آئے، انھوں نے اپنے آبائی علاقے سے اتوار کے روز حکمران جماعت کی جانب سے الیکشن لڑا، اپوزیشن کے بائیکاٹ کی وجہ سے وہ آسانی سے جیت گئے۔

یہ بھی پڑھیں: بنگلہ دیش میں عام انتخابات؛ شکیب الحسن نے کامیابی سمیٹ لی

گزشتہ روز وہ جب انڈور نیٹ پریکٹس کیلیے شیربنگلہ اسٹیڈیم پہنچے تو ان پر پھولوں کی پتیاں نچھاور کی گئیں، جب میڈیا نے ان سے الیکشن کے حوالے سے سوال کیے تو شکیب نے کہا کہ یہ کوئی سیاسی میدان نہیں بلکہ کرکٹ فیلڈ ہے، میں صرف کھیل سے متعلق ہی بات کرسکتا ہوں۔

نیٹ پریکٹس کے دوران بچپن کے کوچ ناظم العابدین فہیم شکیب کو مشورے دیتے رہے، انگلی کی انجری کے بعد یہ ان کا پہلا ٹریننگ سیشن تھا۔