کراچی 3 بچوں کی ماں کی ساتویں منزل سے چھلانگ لگا کر خودکشی

دو روز قبل بچے اپنے والد عبد الجلیل کے پاس ان کی رہائش گاہ ڈیفنس چلے گئے تھے

---

نارتھ کراچی کی رہائشی 3 بچوں کی ماں نے پراسرار طور ساتویں منزل پر واقعے اپنے فلیٹ سے چھلانگ لگا کر خودکشی کر لی ۔

خواجہ اجمیر نگری کے علاقے نارتھ کراچی سیکٹر الیون اے الغفور اسکائی ٹاور کی 7 منزل کے فلیٹ نمبر750 H / کی رہائشی خاتون نے پراسرار طور پر اپنے فلیٹ سے چھلانگ لگا کر خودکشی کر لی۔

متوفیہ کی لاش ایدھی ایمبولینس کے ذریعے عباسی شہید اسپتال منتقل کی گئی ، پولیس کے مطابق متوفی کی شناخت 45 سالہ شمائلہ یاسمین کے نام سے کی گئی ، رات کے اوقات میں لیڈی ایم ایل او کی عدم دستیابی کے باعث متوفیہ خاتون کی لاش پولیس کارروائی کیے بغیر ایدھی سردخانہ سہراب گوٹھ منتقل کر دی گئی۔

مقتولہ طلاق یافتہ اور 3 بچوں کی ماں تھی جن میں ایک لڑکا دو لڑکیاں ہیں۔

متوفیہ کرائے کے فلیٹ میں اپنے بچوں کے ساتھ رہائش پذیر تھی تاہم دو روز قبل بچے اپنے والد عبد الجلیل کے پاس ان کی رہائش گاہ ڈیفنس چلے گئے تھے ، متوفیہ کا سابقہ شوہر کنسٹریکشن کی ٹھیکیداری کا کام کرتا ہے۔

شبہ ہے کہ خاتون نے دلبرداشتہ ہو کر خودکشی کی ہے ، فوری طور متوفیہ خاتون کا کوئی وارث منظر پر نہیں آیا ، پولیس واقعے کی تحقیقات کر رہی ہے۔