کیا پاک بھارت دوطرفہ سیریز ہوگی ذکا اشرف کا بیان سامنے آگیا

بھارتی بورڈ سیریز کا خواہاں ہے لیکن حکومتی اجازت درکار ہے، چیئرمین مینجمنٹ کمیٹی

ویب ڈیسک January 11, 2024

بھارتی بورڈ سیریز کا خواہاں ہے لیکن حکومتی اجازت درکار ہے، چیئرمین مینجمنٹ کمیٹی (فوٹو: ایکسپریس ویب)

پاکستان کرکٹ بورڈ (پی سی بی) مینجمنٹ کمیٹی کے سربراہ ذکا اشرف نے انکشاف کیا ہے کہ بھارتی بورڈ (بی سی سی آئی) کے سیکریٹری کے ساتھ پاک بھارت سیریز پر بات ہوئی ہے۔

گزشتہ روز پریس کانفرنس کرتے ہوئے مینجمنٹ کمیٹی کے سربراہ ذکا اشرف نے کہا کہ بی سی سی آئی سیکریٹری پاک بھارت دو طرفہ سیریز کی بحالی میں دلچسپی رکھتے ہیں اور رواں سال کے آخر میں بھارت میں انتخابات کے بعد مثبت پیشرفت کا امکان ہے۔

انہوں نے کہا کہ بھارتی کرکٹ بورڈ دو طرفہ سیریز کیلئے تیار ہے تاہم انہیں حکومتی اجازت درکار ہے تاہم انتخابات کے بعد جے شاہ سے دوبارہ ملاقات کریں گے۔

مزید پڑھیں: کوہلی کون ہے؟ برازیلین فٹبالر کا کرکٹر کو پہچاننے سے انکار، ویڈیو وائرل

واضح رہےکہ دونوں ممالک کے درمیان دو طرفہ سیریز آخری بار 2012-13 میں ہوئی تھی، جس کے بعد سے روایتی حریف محض آئی سی سی ایونٹس میں ایک دوسرے کے مدمقابل آتے ہیں۔