شاہین آفریدی نے کیویز کیخلاف ناپسندیدہ ریکارڈ اپنے نام کرلیا

نو منتخب ٹی20 کپتان شاہین آفریدی نے کیویز کے خلاف پہلے ٹی20 انٹرنیشنل میچ میں ایک ناپسندیدہ ریکارڈ اپنے نام کرلیا۔

اکلینڈ میں کھیلے جارہے میچ میں کیوی بیٹر فن ایلن نے کپتان شاہین آفریدی کے دوسرے اوور میں انکے خلاف 24 رنز بنائے، جس میں 2 چھکے اور 3 چوکے شامل تھے، یہ ٹی20 انٹرنیشنل فارمیٹ میں شاہین کا سب سے مہنگا اوور تھا۔

اس سے قبل پہلے اوور میں شاہین آفریدی نے گولڈن ڈک پر اوپنر ڈیون کانوے کو پویلین کی راہ دکھائی تھی۔


مزید پڑھیں: پہلا ٹی20؛ نیوزی لینڈ کے ہاتھوں پاکستان کو شاہین کی قیادت میں پہلی شکست

واضح رہے کہ نیوزی لینڈ نے پہلے ٹی20 میچ میں پاکستان کو 46 رنز سے شکست دیکر سیریز میں 0-1 کی برتری حاصل کرلی ہے۔

مزید پڑھیں: بابراعظم ٹی20 انٹرنیشنلز میں سب سے زیادہ رنز بنانے والے تیسرے بلےباز بن گئے

دونوں ٹیموں کے درمیان سیریز کا اگلا میچ 14 جنوری اتوار کو ہملٹن میں کھیلا جائے گا۔