قومی ٹیم کو بڑا دھچکا فاسٹ بولر انجری کا شکار ہوکر تیسرے ٹی20 سے باہر

فاسٹ بولر کے ایم آر آئی اسکین میں کوئی بڑی انجری کی تشخیص نہیں ہوئی، پی سی بی

ویب ڈیسک January 16, 2024

فاسٹ بولر کے ایم آر آئی اسکین میں کوئی بڑی انجری کی تشخیص نہیں ہوئی، پی سی بی (فوٹو: کرک انفو)

نیوزی لینڈ کے خلاف سیریز کے تیسرے ٹی20 انٹرنیشنل میچ سے قبل قومی ٹیم کے فاسٹ بولر عباس آفریدی انجری کا شکار ہوکر میچ سے باہر ہوگئے۔

پاکستان کرکٹ بورڈ (پی سی بی) کے مطابق نوجوان فاسٹ بولر عباس آفریدی پٹھوں میں کھچاؤ کی وجہ سے کیویز کیخلاف تیسرے ٹی20 میچ میں شرکت نہیں کرسکیں گے۔

فاسٹ بولر کے ایم آر آئی اسکین میں کوئی بڑی انجری کی تشخیص نہیں ہوئی تاہم انہیں تیسرے میچ میں آرام کروایا جائے گا جبکہ اگلے دو میچز کے حوالے سے فیصلہ بھی جلد کرلیا جائے گا۔

مزید پڑھیں: کین ولیمسن پاکستان کیخلاف ٹی20 سیریز سے باہر ہوگئے

دوسری جانب پاکستان کے خلاف بقیہ ٹی20 میچز کیلئے نیوزی لینڈ ٹیم کے کپتان کین ولیمسن ہیمسٹرنگ انجری کے باعث سیریز سے باہر ہوگئے ہیں۔