ڈی جی خان میں شادی کی تقریب میں فائرنگ دلہا گرفتار

تھانہ گدائی پولیس نے ہوائی فائرنگ کے الزام میں دولہا کو حوالات کی سیر کرادی۔


ایکسپریس نیوز کے مطابق ڈیرہ غازی خان میں تھانہ گدائی پولیس نے شہزاد کالونی میں شادی کی تقریب میں فائرنگ کی اطلاع پر دلہا فرحان علی اوراس کے 2 چچاؤں کو گرفتار کرکے مقدمہ درج کرلیا۔ پولیس کی جانب سے دلہے کی گرفتاری کے بعد باراتی ڈھول بجاتے ہوئے تھانے پہنچ گئے۔

دلہا کے رشتہ داروں کا کہناہے کہ ہوائی فائرنگ کرنے والے بھاگ گئے اور پولیس نے دلہا فرحان کو حوالات میں بند کر دیا۔ انہوں نے کہا کہ وہ دولہا کو چھڑوانے کے لئے تھانے آئے ہیں اور جب تک اسے رہا نہیں کیا جاتا اس وقت تک تھانے کے سامنے ڈھول بجاتے رہیں گے۔