یوٹیوبر زید علی کے ہاں دوسرے بچے کی پیدائش متوقع

زید علی اور یمنیٰ کے ہاں پہلے کی پیدائش سال 2021 میں ہوئی تھی : فوٹو : انسٹاگرام

---

پاکستانی نژاد کینیڈین یوٹیوبر اور سوشل میڈیا اسٹار زید علی اور اہلیہ یمنیٰ زید کے ہاں دوسرے بچے کی پیدائش متوقع ہے۔

زید علی نے دنیا بھر میں موجود اپنے لاکھوں مداحوں کو خوشخبری سُنانے کے لیے سوشل میڈیا سائٹ انسٹاگرام کا رُخ کیا جہاں اُنہوں نے اپنی فیملی ویڈیو پوسٹ کی۔

ویڈیو میں زید علی، اُن کی اہلیہ یمنیٰ اور بیٹا ایزیان بےحد خوش نظر آرہے ہیں اور اپنی خوشی کا اظہار کرنے کے لیے ڈانس بھی کرتے ہیں جبکہ ویڈیو میں اس جوڑی کے بیٹے ایزیان نے ہاتھ میں سیاہ بورڈ لیا ہوا ہے جس پر لکھا ہے کہ 'میں بڑا بھائی بننے والا ہوں'۔

زید علی نے ویڈیو پوسٹ کرتے ہوئے اللہ تعالیٰ کا شکر ادا کیا اور کہا کہ 'الحمدللہ! ہم ایک اور بچے کو خوش آمدید کہنے والے ہیں'۔

View this post on Instagram

A post shared by ZaidAliT (@zaidalit)

مداحوں کی جانب سے زید علی اور یمنیٰ کو دوسرے بچے کی خوشخبری پر مبارکباد دینے اور نیک خواہشات کا اظہار کرنے کا سلسلہ جاری ہے۔

واضح رہے کہ زید علی اپنی مزاحیہ ویڈیوز کی وجہ سے بےحد مشہور ہیں، وہ اپنے یوٹیوب چینل اور انسٹاگرام پر مزاحیہ ویڈیوز کے ساتھ ساتھ فیملی ولاگز بھی پوسٹ کرتے ہیں۔

مزید پڑھیں: معروف یوٹیوبر زید علی کے والد انتقال کرگئے

زید علی نے 2017 میں اپنی دوست یمنیٰ کے ساتھ شادی کی تھی جبکہ 2021 میں اس جوڑے کے ہاں پہلے بیٹے کی پیدائش ہوئی تھی۔