پی ایس ایل9 کے آغاز سے قبل لاہور قلندرز کو بڑا دھچکا لگ گیا

اہم غیر ملکی کرکٹر نے سرجری کے باعث لیگ میں شرکت کرنے سے انکار کردیا

ویب ڈیسک January 17, 2024

اہم غیر ملکی کرکٹر نے سرجری کے باعث لیگ میں شرکت کرنے سے انکار کردیا (فوٹو: پی سی بی)

پاکستان سپر لیگ (پی ایس ایل) کے نویں ایڈیشن کے آغاز سے قبل لاہور قلندرز کو بڑا دھچکا لگ گیا۔

میڈیا رپورٹس کے مطابق افغان لیگ اسپنر راشد خان کی کمر کے نچلے حصے کی سرجری کے بعد انکی آئندہ ماہ پاکستان سپر لیگ (پی ایس ایل) کے نویں ایڈیشن میں شرکت نہیں کرسکیں گے۔

لیگ اسپنر نے اپنی عدم دستیابی کے بارے میں پاکستان کرکٹ بورڈ (پی سی بی) اور فرنچائز لاہور قلندرز کی انتظامیہ کو آگاہ کردیا ہے۔ فرنچائز کی ٹیم اب راشد خان کی جگہ کسی متبادل اسپنر کا انتخاب کرے گی۔

مزید پڑھیں: پی ایس ایل کے ترانے پر تنازع سامنے آ گیا

لاہور قلندرز کے چیف ایگزیکٹو عاطف رانا کا کہنا ہے کہ راشد خان سے محرومی کا افسوس ہے۔ وہ بہت بڑا نام اور میچ ونر ہے، انکی کمی پوری کوئی نہیں کرسکتا تاہم کوشش کریں گے کہ بہترین کھلاڑی کو اسکواڈ کا حصہ بنائیں۔

افغان ٹیم کے ہیڈکوچ جوناتھن ٹروٹ کا کہنا ہے کہ ٹیم انتظامیہ راشد کی انجری کو احتیاط سے سنبھالے گی جبکہ لیگ اسپنر اب بھارت میں شیڈول دیگر ٹی20 میچز کیلئے ٹیم کو دستیاب نہیں ہوں گے۔

مزید پڑھیں: پی ایس ایل9 کا آغاز کب سے ہوگا؛ شیڈول کا باقاعدہ اعلان ہوگیا

واضح رہے کہ پاکستان سپر لیگ کا آغاز 17 فروری کو ہوگا جبکہ پہلا میچ لاہور کے قذافی اسٹیڈیم میں کھیلا جائے گا، ایونٹ کا فائنل 18 مارچ کو کراچی میں شیڈول ہے۔