خوشبو کی فلموں میں واپسی ’’لال بادشاہ‘‘ میں شان کی ہیروئن بن گئیں

انڈسٹری سے کبھی بھی ناطہ نہیں توڑا ،فلم میں کام کے لیے کہا گیاتو فوراً ہاں کردی، خوشبو۔ فوٹو: فائل

---

MULTAN: اداکارہ خوشبو کی ایک عرصہ بعد فلموں میں واپسی ہوگئی۔

تفصیل کے مطابق اداکارہ خوشبو کو فلمساز شہباز علی نے زیرتکمیل فلم ''لال بادشاہ'' میں شان کے مقابل ہیروئن سائن کرلیا ہے جس کی عکسبندی ان دنوں لاہور کے مضافات میں کی جارہی ہے جس میں خوشبو ، شان کے علاوہ اداکار شفقت چیمہ، راحیلہ آغا اور زری سمیت پوری کاسٹ حصہ لے رہی ہے۔ اداکارہ خوشبو کا کہنا ہے کہ فلم انڈسٹری سے کبھی بھی ناطہ نہیں توڑا تھا،اسی لیے جب مجھے اس فلم کے لیے کہا گیا تو خوشی سے آفر قبول کی۔ انھوں نے کہا کہ شان کے ساتھ متعدد فلمیں کرچکی ہوں مگر لال بادشاہ میں ہم کافی عرصہ بعد اکٹھے ہوئے ہیں ۔