ڈکیتی میں مزاحمت پر فائرنگ فوڈ ڈلیوری بوائے سمیت 2 افراد زخمی

شہر کے مختلف علاقوں میں ڈاکوؤں نے ڈکیتی کے دوران مزاحمت پر 2 افراد کو فائرنگ کر کے زخمی کر دیا جس میں سے ایک کی حالت تشویشناک بتائی جاتی ہے ۔

نیو کراچی سیکٹر الیون ڈی اتوار بازار کے قریب موٹر سائیکل سوار ملزمان کی فائرنگ سے ایک شخص شدید زخمی ہوگیا۔

مضروب کی شناخت 35 سالہ جہانزیب کے نام سے کی گئی جسے سینے اور پاؤں پر گولیاں لگی تھیں جبکہ واقعہ ڈکیتی کے دوران مزاحمت پر پیش آنے کا بتایا جا رہا ہے۔


ادھر اورنگی ٹاؤن میں موٹر سائیکل سوار ملزمان کی فائرنگ سے ایک شخص زخمی ہوگیا۔

ریسکیو حکام کا کہنا ہے کہ مضروب کی شناخت 31 سالہ عمیر کے نام سے کی گئی جو آن لائن فوڈ ڈلیوری بوائے ہے جسے ٹانگ پر گولی لگی تھی۔

مضروب نے بتایا کہ واقعہ لوٹ مار کے دوران مزاحمت پر پیش آیا ہے تاہم پولیس دونوں واقعات کی مزید تحقیقات کر رہی ہے ۔