پشاور اسکیم چوک کوہاٹ روڈ پر دھماکا8 افراد جاں بحق 33 زخمی

اسکیم چوک کوہاٹ روڈ پر دھماکے میں سڑک سے گزرنے والی 2 گاڑیاں تباہ جبکہ ایک گاڑی اور فلائنگ کوچ بھی بری طرح متاثرہوئی۔۔ فوٹو: ایکسپریس

---

ISLAMABAD: اسکیم چوک کوہاٹ روڈ پر پاک فضائیہ کی گاڑی کے قریب دھماکے میں 8 افرادجاں بحق اورپاک فضائیہ کے 3اہلکاروں سمیت 33افراد زخمی ہوگئے۔

عینی شاہدین کے مطابق اسکیم چوک کوہاٹ روڈ پر بم سڑک کے کنارے کھڑی کار میں نصب تھا، دھماکے میں پاک فضائیہ کی گاڑی کو نشانہ بنایاگیا۔ دھماکے میں سڑک سے گزرنے والی 2 گاڑیاں تباہ جبکہ ایک گاڑی اور فلائنگ کوچ بھی بری طرح متاثرہوئی۔ دھماکے سےکئی دکانوں کو بھی نقصان پہنچا۔

ریسکیوٹیموں نے زخمیوں کو لیڈی ریڈنگ اسپتال منتقل کردیا جن میں سے کچھ زخمیوں کی حالت تشویشناک بتائی جارہی ہے۔

پاک فضائیہ کی تفتیشی ٹیم نے بھی جائے حادثہ پر پہنچ کر شواہد اکھٹے کرکے تحقیقات شروع کردی۔بم ڈسپوزل اسکواڈکے مطابق دھماکے میں50 کلو گرام بارودی مواد استعمال کیا گیا۔

لیڈی ریڈنگ اسپتال میں جاں بحق ہونے والے 7افراد کی شناخت ہو گئی جن میں حاجی سرفراز،محفوظ عمر،محمد بلال،محمد یونس ، عزت اللہ اور افضل شاہ شامل ہیں۔