شعیب ملک اور ثنا جاوید کی شادی پر عائشہ عُمر کا ردعمل

ماضی میں عائشہ عُمر اور شعیب ملک کا رومانوی فوٹو شوٹ وائرل ہوا تھا : فوٹو : ویب ڈیسک

---

شوبز انڈسٹری کی معروف اداکارہ عائشہ عُمر کا بھی قومی کرکٹر شعیب ملک اور ثنا جاوید کی شادی پر ردعمل سامنے آگیا۔

20 جنوری کو آل راؤنڈر شعیب ملک کے ساتھ دوسری شادی کا اعلان کرنے والی نامور اداکارہ ثنا جاوید نے سوشل میڈیا سائٹ انسٹاگرام پر اپنی نئی شادی کی نئی تصویر پوسٹ کی۔

شادی کی اس نئی تصویر میں ثنا جاوید اپنے شوہر شعیب ملک کے گلے لگی ہوئی ہیں اور بےحد خوش نظر آرہی ہیں، اداکارہ نے اپنے شوہر کے ساتھ پوسٹ کا اشتراک کرتے ہوئے کیپشن میں صرف دل والا ایموجی بنایا۔

View this post on Instagram

A post shared by Sana Shoaib Malik (@sanajaved.official)

اس پوسٹ پر جہاں سوشل میڈیا صارفین نے ایک بار پھر ثنا جاوید اور شعیب ملک کو تنقید کا نشانہ بنایا تو وہیں اداکارہ عائشہ عُمر نے بھی پوسٹ پر تبصرہ کیا۔

عائشہ عُمر نے تصویر پر تبصرہ کرتے ہوئے 'ماشااللہ' لکھا اور ساتھ ہی دل والے ایموجی اور نظر بد سے محفوظ رکھنے والے ایموجی کا اضافہ بھی کیا۔



واضح رہے کہ ماضی میں عائشہ عُمر اور شعیب ملک کے درمیان تعلقات کی افواہیں زیرِ گردش تھیں، قومی کرکٹر اور اداکارہ کے درمیان تعلقات کی خبر اُس وقت سامنے آئی تھی کہ جب ان دونوں کا رومانوی فوٹو شوٹ وائرل ہوا تھا۔

مزید پڑھیں: "آج بھی میرے رشتہ دار مجھے شعیب ملک کی بیوی سمجھتے ہیں"، عائشہ عمر

اس فوٹو شوٹ کے بعد کہا جارہا تھا کہ شعیب ملک اور عائشہ عُمر کے درمیان تعلقات قائم ہیں اور دونوں بہت جلد شادی کرنے والے ہیں۔

واضح رہے کہ ثنا جاوید نے سال 2020 میں گلوکار عمیر جیسوال سے پہلی شادی کی تھی، اس جوڑی نے اپنے نکاح کی تصاویر انسٹاگرام اکاؤنٹ پر پوسٹ کی تھیں اور سال 2023 کے آخر میں اس جوڑی کی طلاق کی خبر سامنے آئی تھی۔

مزید پڑھیں: شوبز ستاروں کی شعیب ملک اور ثنا جاوید کو شادی کی مبارکباد

دوسری جانب شعیب ملک نے سال 2010 میں بھارتی ٹینس اسٹار ثانیہ مرزا سے پہلی شادی کی تھی، دونوں کا ایک بیٹا اذہان مرزا ملک ہے جس کی پیدائش 2018 میں ہوئی تھی۔