دنیا فلسطین کے دو ریاستی حل سے اسرائیل کے انکار کی مخالفت کرے اقوام متحدہ

سلامتی کونسل کے رکن فلسطین کے دو ریاستی حل کے انکار کو مسترد کردیں؛ انتونیو گوتریس (فوٹو: فائل)

---

اقوام متحدہ کے سربراہ انتونیو گوتریس نے منگل کے روز عالمی رہنماؤں پر زور دیا ہے کہ سلامتی کونسل کے ہنگامی اجلاس میں فلسطین کے دو ریاستی حل سے انکار کرنے والوں کو مسترد کریں۔

عالمی خبر رساں ادارے کے مطابق اقوام متحدہ کی سلامتی کونسل کے ہنگامی اجلاس میں اسرائیل فلسطین کے تنازع کے حل کے لیے دو ریاستی حل پر بحث ہوگئی جس کی اسرائیل مخالفت کرتے آیا ہے جب کہ سعودی عرب اور امریکا وغیرہ حمایت کرتے ہیں۔

اقوام متحدہ کے جنرل سیکرٹری انتونیو گوتریس نے رکن ممالک سے دو ریاستی حل سے انکار کے خلاف آواز اُٹھانے کا مطالبہ کرتے ہوئے اس بات پر بھی زور دیا کہ کسی بھی عمل یا بات کی سزا فلسطینی عوام کو اجتماعی طور پر دینے کا کوئی جواز نہیں بنتا۔

Over decades, the two-state solution has been traduced, undermined & left for dead many times.However, it remains the only way to achieve durable & equitable peace in Israel, in Palestine & in the region. pic.twitter.com/4pAdfF75Ui

— António Guterres (@antonioguterres) January 23, 2024

انتونیو گوتریس نے اس عزم کا بھئی اعادہ کیا کہ وہ اب بھی غزہ میں فوری جنگ بندی کے اپنے مطالبے پر قائم ہیں تاکہ شہریوں تک امدادی سامان کی فراہمی کو یقینی بنایا جا سکے، یرغمالیوں کی رہائی میں سہولت ہو اور مشرق وسطیٰ میں کشیدگی کو کم کرنے میں مدد ملے۔

یاد رہے کہ اقوام متحدہ کی سلامتی کونسل کا اجلاس جنگ بندی کے بڑھتے ہوئے بین الاقوامی مطالبات کے درمیان بلایا گیا ہے جس کا مقصد غزہ اور مشرق وسطیٰ کے بحران پر تبادلہ خیال کرنا ہے۔