پشاور میں پی کے 69 کے امیدوار ٹریفک حادثے کا شکار
شفیق شیر آفریدی کی گاڑی کو خیبر روڈ پر واقعہ پیش آیا، طبی امداد کیلیے اسپتال منتقل
خیبرپختونخوا کے دارالحکومت میں واقع خیبر روڈ پر ٹریفک حادثے میں صوبائی اسمبلی کے حلقہ 69 کے امیدوار شفیق شیر آفریدی زخمی ہوگئے۔
تفصیلات کے مطابق پشاور میں واقع خیبر روڈ پر ٹریفک حادثے میں سابق ایم پی اے اور حلقہ پی کے 69 کے امیدوار شفیق شیر آفریدی زخمی ہوئے جنہیں زخمی حالت میں طبی امداد کیلیے اسپتال منتقل کردیا گیا ہے۔
ڈاکٹرز نے شفیق شیر آفریدی کی حالت کو خطرے سے باہر قرار دیا تاہم انہیں اسپتال میں طبی امداد دی جارہی ہے۔
حادثے کے نتیجے میں امیدوار کی گاڑی کا اگلا حصہ مکمل تباہ ہوگیا، واقعے کے وقت وہ گاڑی میں اکیلے تھے۔