کیچ میں پنجاب سے تعلق رکھنے والے پانچ مزدور اغوا
مزدور موبائل ٹاور کی تنصیب کا کام کررہے تھے جنہیں مسلح افراد اپنے ہمراہ لے گئے
بلوچستان کے علاقے کیچ میں پنجاب سے تعلق رکھنے والے پانچ مزدوروں کو نامعلوم افراد اغو کر کے لے گئے۔
لیویز حکام نے بتایا کہ بلوچستان کے علاقے تربت کے ضلع کیچ کی تحصیل ہوشاب میں ٹیلی کام کمپنی کے پانچ مزدوروں کو مسلح افراد اغوا کر کے لے گئے۔
لیویز حکام نے بتایا کہ اغوا ہونے والے مزدور وں کا تعلق پنجاب سے ہے، جن کی بازیابی کیلیے ٹیمیں روانہ کردی گئیں ہیں۔
عرب میڈیا کے مطابق پانچوں مزدوروں کی گمشدگی کا اُس وقت علم ہوا جب وہ آوران میں اپنے دفتر نہیں پہنچ سکے۔
مزدور موبائل ٹاور کی تنصیب کا کام کررہے تھے جنہیں اطلاعات کے مطابق ڈنڈار ڈھلے بازار کے قریب سے اغوا کیا گیا ہے۔