کرم ایجنسی میں بارودی سرنگ کے دھماکے میں 6 افراد جاں بحق 3 زخمی

تینوں زخمیوں کی حالت تشویشناک ہونے کے باعث ہلاکتوں میں اضافے کا خدشہ ہے. فوٹو؛ فائل

---

خومتہ میں ایک گاڑی سڑک کنارے نصب دھماکہ خیز مواد سے ٹکرا گئی جس کے نتیجے میں 6 افراد جاں بحق جب کہ 3 زخمی ہو گئے۔

ایکسپریس نیوز کے مطابق کرم ایجنسی سے پارا چنار جاتے ہوئے ایک گاڑی خومتہ کے علاقے میں سڑک کنارے نصب بارودی سرنگ سے ٹکرا گئی جس کے نتیجے میں 3 افراد جاں موقع پر ہی جاں بحق جب کہ 6 زخمی ہوگئے، زخمیوں کو فوری طور پر قریبی اسپتال منتقل کیا گیا جہاں 3 مزید افراد زخموں کی تاب نہ لاتے ہوئے چل بسے۔ اسپتال ذرائع کا کہنا ہے کہ زخمیوں کو طبی امداد دی جارہی ہے تاہم تینوں زخمیوں کی حالت تشویشناک ہونے کے باعث ہلاکتوں میں اضافے کا خدشہ ہے۔

سیکیورٹی فورسز نے دھماکے کے بعد علاقے کو گھیرے میں لے کر تخریب کاروں کی گرفتاری کے لئے چھاپہ مار کارروائیوں کا آغاز کر دیا ہے۔