جامشورو کے قریب مسافر کوچ الٹنے سے 3 افراد جاں بحق 15 زخمی

ڈاکٹرز کا کہنا ہے کہ متعدد مسافروں کی حالت تشویشناک ہونے کے باعث ہلاکتوں میں اضافے کا خدشہ ہے۔ فوٹو: فائل

---

سپر ہائی وے پر لونی کوٹ کے قریب مسافر کوچ الٹنے سے 3 افراد جاں بحق جب کہ خواتین اور بچوں سمیت 15 افراد زخمی ہو گئے۔

پولیس حکام کے مطابق حیدرآباد سے کراچی جانے والی مسافر کوچ تیز رفتاری کے باعث جامشورو میں لونی کوٹ کے قریب سپر ہائی وے پر الٹ گئی جس کے نتیجے میں 3 افراد جاں بحق جب کہ خواتین اور بچوں سمیت 15 افراد زخمی ہو گئے۔

مقامی افراد اور امدادی ٹیموں کے اہلکاروں نے حادثے میں جاں بحق اور زخمی ہونے والوں کو قریبی اسپتالوں میں منتقل کیا جہاں ڈاکٹرز کا کہنا ہے کہ متعدد مسافروں کی حالت تشویشناک ہونے کے باعث ہلاکتوں میں اضافے کا خدشہ ہے۔