اسلام آباد میں آبپارہ چوک کے قریب پولیس وین پر فائرنگ سے 2 اہلکار زخمی

زخمی ہونے والے پولیس اہلکاروں کو فوری طور پر پولی کلینک اسپتال منتقل کیا جہاں انھیں طبی امداد دی جا رہی ہے۔ فوٹو؛ ایکسپریس نیوز

---

وفاقی دارالحکومت میں آبپارہ چوک کے قریب پولیس وین پر فائرنگ سے 2 اہلکار زخمی ہو گئے۔

ایکسپریس نیوز کے مطابق اسلام آباد میں آبپارہ چوک کے قریب موٹر سائیکل پر سوار نامعلوم ملزمان نے معمول کی گشت پر مامور پولیس وین پر فائرنگ کر دی جس کے نتیجے میں ایلیٹ فورس کے 2 اہلکار زخمی ہو گئے جب کہ ملزمان فرار ہونے میں کامیاب ہو گئے۔ امدادی ٹیموں کے اہلکاروں نے زخمی ہونے والے پولیس اہلکاروں کو فوری طور پر پولی کلینک اسپتال منتقل کیا جہاں انھیں طبی امداد دی جا رہی ہے۔ ایک پولیس اہلکار کو سینے میں اور ایک کو بازو میں گولی لگی ہے جب کہ ایک پولیس اہلکارو کی شناخت وقار کے نام سے ہوئی ہے۔

پولیس حکام کا کہنا ہے کہ واقعہ کا مقدمہ درج کر کے تحقیقات کا آغاز کر دیا ہے جب کہ ملزمان کی تلاش کے لئے بھی چھاپے مارے جارہے ہیں۔