الطاف حسین کو گرفتار نہیں کیا گیاپولیس نے صرف بیان لیا ہے ایم کیوایم

متحدہ قومی موومنٹ کی رابطہ کمیٹی نے کہا ہے کہ لندن میں الطاف حسین کو حراست میں نہیں لیا گیا عوا پرامن رہی اور اشتعال میں نہ آئیں۔


ایم کیو ایم کے مرکز نائن زیرو پر لندن سے رابطہ کمیٹی کے ڈپٹی کنوینیر ندیم نصرت نے ٹیلی فونک پریس کانفرنس میں کہا کہ گزشتہ کچھ روز سے الطاف حسین کی طبیعت انتہائی ناساز تھی وہ ٹھیک سے بات بھی نہیں کر پارہے تھے، اس حوالے سے آج وہ اسپتال جانے کے لیے تیار ہو رہے تھے کہ پولیس اُن کے گھر پر پہنچ گئی اور کہا کہ وہ ان کو حراست میں لے کر تفتیش کرنا چاہتی ہے۔ پولیس کے پاس سرچ وارنٹ بھی تھا۔

نصرت ندیم کا مزید کہنا تھا کہ الطاف حسین تاحال اپنے گھر پر موجود ہیں انہیں گرفتار نہیں کیا گیا۔ عوام افواہوں پر کان نہ دھریں اور اپنے جذبات پر قابو رکھیں اور تحمل مزاجی کا مظاہرہ کریں۔