لاہور میں انتخابی ریلی کے دوران نوجوان نے حمزہ شہباز پر جوتا اچھال دیا

لاہور کے علاقے ترنم سینیما چوک کے قریب ایک نوجوان نے ریلی میں خطاب کے دوران حمزہ شہباز کی طرف جوتا اچھال دیا۔

تفصیلات کے مطابق مسلم لیگ (ن) کے رہنما اور حلقہ این اے 118 کے امیدوار حمزہ شہباز نے انتخابی مہم کے سلسلے میں ریلی نکالی جو مختلف علاقوں سے گزری اور اس دوران انہوں نے کارکنان سے خطاب بھی کیا۔

ریلی لاہور کے اندرون شہر ترنم سینیما چوک کے قریب پہنچی تو وہاں پر شرکا میں موجود ایک نوجوان نے حمزہ شہباز کی طرف جوتا اچھال دیا جس کے بعد لیگی کارکنان نے اُسے بدترین تشدد کا نشانہ بنایا۔

https://www.express.pk/2024/01/whatsapp-video-2024-01-27-at-8.16.04-pm-1706369434.mp4

لیگی کارکنان نے الزام عائد کیا کہ حمزہ شہباز کی طرف جوتا اچھالنے والا نوجوان تحریک انصاف کا کارکن ہے۔


مزید پڑھیں: حمزہ شہباز کی انتخابی مہم، لیگی کارکنان نے نواز شریف کے احکامات کی دھجیاں اڑا دیں

مسلم لیگ ن کے کارکنان نے جوتا پھینکنے پر نوجوان پر تھپڑوں کی بارش کی اور اُسے کافی دیر تک تشدد کا نشانہ بھی بنایا۔ اس کے بعد ن لیگ کے ہی مقامی رہنماؤں نے نوجوان کو لیگی کارکنان کے چنگل سے چھڑایا اور اُسے ایک مکان میں لے گئے۔

https://www.express.pk/2024/01/whatsapp-video-2024-01-27-at-8.16.03-pm-1706369443.mp4

اس کے بعد حمزہ شہباز کی ریلی کو شیڈول کے مطابق ترنم سینیما چوک پر ختم کردیا گیا۔