مخصوص سیاسی جماعت کا غریب لوگوں سے اداروں کیخلاف پروپیگنڈہ کروانے کا انکشاف

سیاسی جماعت کے ہینڈلرز نے غلام شبیر نامی شخص کی ویڈیو وائرل کی جس میں وہ اداروں کے خلاف غلیظ زبان استعمال کر رہا ہے

---

ریاستی اداروں کے خلاف مخصوص سیاسی جماعت کا من گھڑت پروپیگنڈہ ایک بار پھر بری طرح بے نقاب ہوگیا۔

سوشل میڈیا پر مخصوص سیاسی جماعت کے ہینڈلرز نے غلام شبیر نامی شخص کی ویڈیو وائرل کی جس میں وہ ریاستی اداروں کے خلاف غلیظ زبان استعمال کر رہا ہے۔

پروپیگنڈا اکاؤنٹس نے غلام شبیر کی ویڈیو سوشل میڈیا پر مذموم مقاصد کے حصول کے لئے وائرل کی۔ قانون نافذ کرنے والے اداروں نے جب تفتیش کی تو ہوشربا انکشافات سامنے آ گئے۔

غلام شبیر کا اعترافی بیان بھی منظر عام پر آگیا۔ وہ ڈی جی خان کا رہائشی ہے۔ چند پیسوں کے عوض مجبور غلام شبیر سے مخصوص سیاسی جماعت کے کارندوں نے ریاستی اداروں کے خلاف ویڈیو بنوائی اور سوشل میڈیا پر پروپیگنڈہ شروع کر دیا۔

غلام شبیر نے اعتراف کیا کہ؛ "اُس نے پی ٹی آئی سے پیسوں کی لالچ میں آکر یہ بیان دیا" ۔ غلام شبیر نے اعترافی بیان کے ساتھ ساتھ ریاستی اداروں کے خلاف نعرے بازی پر معافی بھی مانگی۔

ایک دیہاتی مزدور کے سرائیکی زبان میں دل چیرنے والے الفاظ
آرمی چیف عاصم منیر کو اسکی اوقات یاد دلانے قبرستان پہنچ گیا
ویڈیو شیئر لازمی کریں تاکہ آرمی چیف تک پہچ جائے pic.twitter.com/vwIAOYU5H3

- CCTV (@CCTV1992) January 26, 2024

غلام شبیر کی ویڈیو مخصوص سیاسی جماعت کے ہینڈلر وقار خان نے شیئر کی جو کہ امریکہ میں رہائش پذیر ہے اور میری لینڈ یو ایس اے میں پی ٹی آئی کا صدر ہے۔ وقار خان باہر بیٹھ کر مسلسل پاکستان اور اداروں کے خلاف پروپیگنڈا کرتا ہے جس میں پارٹی لیڈرشپ کی شمولیت شرمناک اور قابل مذمت ہے۔ یہ پروپیگنڈہ اس بات کی عکاسی کرتا ہے کہ؛ "مخصوص سیاسی جماعت ملک دشمن عناصر کے ساتھ مل کر پاکستان کو بدامنی اور انتشار کی بھینٹ چڑھانا چاہتی ہے"

مجبوریوں کے سودے نقد و نقد ، غلام شبیر کا اعتراف ۔۔ استعمال کرنے والا کون؟ pic.twitter.com/pVgnX6rPCV

- tariq mahmood ch (@tariqchaaj) January 29, 2024