بھارت میں آتش بازی کی فیکٹری میں دھماکا11 افراد ہلاک اور80 زخمی
دھماکے کے بعد فیکٹری میں فلک بوس شعلے بھڑک اُٹھے
بھارت میں دھماکے کے بعد فیکٹری میں فلک بوس شعلے بھڑک اُٹھے، فوٹو: فائل
بھارتی ریاست مدھیہ پردیش میں آتش بازی کے سامان کی فیکٹری میں زوردار دھماکے کے بعد آگ لگ گئی جس میں ہلاک ہونے والے مزدوروں کی تعداد 11 ہوگئی جب کہ 80 زخمی ہیں۔
بھارتی نشریاتی ادارے کے مطابق دھماکے کے وقت فیکٹری میں 300 سے زائد ملازمین موجود تھے اور فیکٹری میں بڑی تعداد میں پٹاخے اور آتش بازی کا سامان تیار کیا جا رہا تھا۔
دھماکا اتنا زوردار تھا کہ آس پاس کی عمارتیں بھی لرز اٹھی تھیں۔ دھماکے کے بعد آگ کے بلند شعلے آسمان کو چھونے لگے۔ چاروں اطراف سیاہ دھوئیں کے بادل چھا گئے۔
بھارتی نشریاتی ادارے کے مطابق دھماکے کے وقت فیکٹری میں 300 سے زائد ملازمین موجود تھے اور فیکٹری میں بڑی تعداد میں پٹاخے اور آتش بازی کا سامان تیار کیا جا رہا تھا۔
دھماکا اتنا زوردار تھا کہ آس پاس کی عمارتیں بھی لرز اٹھی تھیں۔ دھماکے کے بعد آگ کے بلند شعلے آسمان کو چھونے لگے۔ چاروں اطراف سیاہ دھوئیں کے بادل چھا گئے۔
Madhya Pradesh, India.
امدادی کاموں کے لیے فوجی ہیلی کاپٹرز بھی طلب کر لیے گئے جب کہ درجنوں ایمبولینسوں کو فیکٹری میں داخل ہوتے دیکھا گیا۔ فیکٹری سے 100 سے زائد ملازمین کو اسپتال منتقل کیا گیا۔
حادثے میں اب تک 11 مزدوروں کی ہلاکت کی تصدیق کی گئی ہے جب کہ 80 زخمی ہیں جن میں سے 5 کی حالت نازک ہے۔ 10 سے زائد افراد کو طبی امداد کے بعد اسپتال سے رخصت دیدی گئی۔
تاحال فیکٹری میں ہونے والے دھماکے اور آتشزدگی کی وجہ کا تعین نہیں ہوسکا۔ انکوائری کمیٹی تشکیل دیدی گئی ہے تاہم ایسے واقعات بھارت میں عام ہیں اور کسی بھی انکوائری کمیٹی کا کبھی کوئی حل نہیں نکلا۔