1000 ون ڈے میچز آسٹریلیا دوسری ٹیم بن گئی پاکستان کا نمبر کیا ہے

کینگروز نے اس میچ میں ویسٹ انڈیز کو یادگار شکست سے دوچار کیا تھا

ویب ڈیسک February 07, 2024

کینگروز نے اس میچ میں ویسٹ انڈیز کو یادگار شکست سے دوچار کیا تھا (فوٹو: کرک انفو)

آسٹریلیا نے ویسٹ انڈیز کے خلاف تیسرا ون ڈے انٹرنیشنل میچ جیت کے ساتھ یادگار بنالیا۔

کینبرا میں کھیلے گئے سیریز کے تیسرے میچ میں آسٹریلیا نے ویسٹ انڈیز کو یکطرفہ مقابلے کے بعد 8 وکٹوں اور 259 بالز سے شکست دی، جو بالز کے اعتبار سے کینگروز کی سب سے بڑی فتح تھی۔

اسی میچ کے ساتھ آسٹریلیا نے 1000 ون ڈے انٹرنیشنل میچ کھیلنے والی دوسری ٹیم بھی بن گئی، کینگروز نے ایک ہزار ون ڈے میچز میں 609 فتوحات سمیٹیں جبکہ بھارت واحد ٹیم ہے جس نے ایک ہزار 55 میچز کھیل رکھے ہیں اور 559 جیت حاصل کی ہیں۔

مزید پڑھیں: آسٹریلیا نے بالز کے اعتبار سے سب سے بڑی فتح سمیٹ لی

پاکستان جیت کے لحاظ سے فہرست میں تیسرے نمبر پر موجود ہے جس نے 970 میچز کھیلنے کا اعزاز حاصل کررکھا ہے جبکہ 512 فتوحات سمیٹی ہیں۔

واضح رہے کہ سری لنکا 912، ویسٹ انڈیز 873، نیوزی لینڈ 824، انگلینڈ 797، جنوبی افریقہ 672، زمبابوے 572 اور بنگلہ دیش 435 ون ڈے میچز کھیل چکا ہے۔