SINGAPORE:
کوئٹہ کی عدالت نے توہین آمیز پروگرام نشر کرنے پر جیو کے مالک میر شکیل الرحمان، پروگرام کی میزبان شائستہ لودھی، مہمان وینا ملک اور ان کے شوہر اسد خٹک کے خلاف ناقابل ضمانت وارنٹ گرفتاری جاری کر دیئے۔
انسداد دہشت گردی کی خصوصی عدالت نے توہین آمیز پروگرام نشر کرنے سے متعلق دائر درخواست کی سماعت کی اس موقع پر عدالت نے جیو کے مالک میر شکیل الرحمان، توہین آمیز پروگرام کرنے والی میزبان شائستہ لودھی جبکہ پروگرام میں مدعو کئے گئے مہمان وینا ملک اور ان کے شوہر اسد خٹک کے خلاف ناقابل ضمانت وارنٹ جاری کردیئے۔
واضح رہے کہ جیو انٹرٹینمنٹ پر 15 اپریل کو وینا ملک کی شادی کے حوالے سے نشر ہونے والے پروگرام کے دوران شعائر اسلام کا تمسخر اڑایا تھا اور مذہبی جذبات مجروح ہونے پر عوام سڑکوں پر نکل آئے تھے۔