بانڈز کی قیمتوں میں اضافہ سرمایہ کاروں کے پاکستان پر اعتماد میں اضافہ ظاہر کرتا ہے، ماہرین۔ فوٹو: فائل
عارف حبیب لمیٹڈ کے مطابق پاکستان کے ایک ارب ڈالر مالیت کے 10 سالہ بانڈز جو 15 اپریل کو میچیور ہورہے ہیں، کی قیمت 7 فروری کو 98.11 سینٹ کی بلند ترین سطح پر پہنچ گئی ہے، عالمی سرمایہ کار اس وقت پاکستانی بانڈز میں 7.80 ارب ڈالر کی سرمایہ کاری کرچکے ہیں، جو کہ اپریل 2024 سے اپریل 2051 کے دوران مختلف سالوں میں میچیور ہونگے۔
یہ بھی پڑھیں: گلوبل مارکیٹ میں پاکستان کے یورو بانڈز اور سکوک میں زبردست تیزی
ایکپریس ٹریبیون سے گفتگو کرتے ہوئے عارف حبیب لمیٹڈ کے ریسرچ ہیڈ طاہر عباس نے کہا کہ یوروبانڈز کی قیمت گزشتہ سات ماہ کے دوران ڈبل ہوچکی ہے، اور یہ دنیا کے بہترین بانڈز کے طور پر سامنے آئے ہیں، پاکستانی بانڈز کی قیمتوں میں اضافے کی بنیادی وجہ پاکستان میں الیکشن کا انعقاد اور الیکشن کے بعد بننے والی نئی حکومت کی جانب سے ممکنہ طور پر آئی ایم ایف پروگرام کا حصول ہے، اور مرکزی بینک کی جانب سے دسمبر 2024 تک پالیسی ریٹ میں کمی کا تخمینہ ہے۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔