حافظ نعیم الرحمان قومی کی نشست سے ہار گئے صوبائی کی نشست پر کامیاب

جماعت اسلامی کراچی کے امیر حافظ نعیم الرحمان قومی اسمبلی کی نشست سے ہار گئے جب کہ صوبائی اسمبلی کی نشست پر کامیاب ہوگئے۔

ایکسپریس کے مطابق پی ایس 129 سے جماعت اسلامی کے حافظ نعیم الرحمان نے 26 ہزار 296 ووٹ لے کر کامیابی حاصل کی۔ ایم کیو ایم کے معاذ مقدم 20 ہزار 608 ووٹ لے کر دوسرے نمبر پر رہے۔


اس کامیاب کے بعد جماعت اسلامی کی سندھ اسمبلی میں نشستوں کی تعداد دو ہوگئی۔ ضلع کورنگی میں سندھ اسمبلی کی نشست پی ایس 91 سے جماعت اسلامی کے محمد فرحان فاروق نے کامیابی حاصل کی ہے۔

دریں اثنا حافظ نعیم الرحمان ضلع وسطی میں قومی اسمبلی کی نشست پر ایم کیو ایم کے امیدوار فرحان چشتی سے ہار گئے۔

این اے 250 سے ایم کیوایم کے فرحان چشتی کو 79925 ووٹ ملے جبکہ حافظ نعیم الرحمن نے 43659 ووٹ حاصل کیے۔