آغا علی کا اپنی دوسری شادی سے متعلق بیان سامنے آگیا

آغا علی نے سال 2020 میں اداکارہ حنا الطاف سے شادی کی تھی : فوٹو : اسکریب گریب

---

شوبز انڈسٹری کے معروف اداکار آغا علی نے اپنی دوسری شادی کی خبروں کی تردید کرتے ہوئے سوشل میڈیا پر ویڈیو بیان جاری کردیا۔

گزشتہ روز آغا علی نے اپنی انسٹاگرام اسٹوری میں ویڈیو شیئر کی تھی جس میں اُنہوں نے سیاہ رنگ کی شیروانی اور سر پر گِرے رنگ کا قلا پہنا ہوا تھا، اس ویڈیو میں اداکار نے کہا تھا کہ "ایک بار پھر"۔

آغا علی کی یہ ویڈیو جیسے ہی سوشل میڈیا پر وائرل ہوئی تو یہ خبر گردش کرنے لگی کہ آغا علی نے اداکارہ حنا الطاف کو طلاق دے کر دوسری شادی کرلی ہے۔

View this post on Instagram

A post shared by Galaxy Lollywood (@galaxylollywood)

ان افواہوں سے تنگ آکر بالآخر آغا علی نے خاموشی توڑ دی اور اپنی انسٹاگرام اسٹوری میں ایک اور ویڈیو جاری کردی جس میں اُنہوں نے دوسری شادی کی افواہوں کی تردید کی۔

آغا علی نے اپنے وضاحتی بیان میں دوسری شادی کی خبروں کی تردید کرتے ہوئے کہا کہ الفاظ "ایک بار پھر" کہنے کا مطلب یہ تھا کہ میں ایک بار پھر ڈرامے میں شادی کرنے لگا ہوں۔

اداکار نے کہا کہ یہ بات تو سب کو ہی معلوم ہے کہ ہم اداکاروں کی ڈراموں میں کئی بار شادی ہوتی ہے لیکن جب میں نے اپنی ویڈیو سے متعلق یہ افواہ دیکھی کہ میں دوسری شادی کررہا ہوں تو میں نے وضاحت دینا ضروری سمجھا۔



اُنہوں نے کہا کہ انسٹاگرام کے جس نامور پیچ نے میری ویڈیو شیئر کی، انہوں نے یہی ظاہر کیا کہ میں نے دوسری شادی کرلی ہے تاکہ لوگ ویڈیو دیکھ کر غلط فہمی کا شکار ہوجائیں۔

آغا علی نے کہا کہ میں یہاں واضح کرنا چاہتا ہوں کہ میں نے حقیقی زندگی میں نہیں بلکہ ڈرامے میں شادی کی ہے لہٰذا کوئی بھی غلط فہمی کا شکار نہ ہوئیں۔

اداکار نے غلط معلومات پھیلانے والوں کو مشورہ دیتے ہوئے مزید کہا کہ آپ لوگ اپنی شادیوں کی فکر کریں، میری کیوں اتنی ٹینشن لیتے ہو۔



واضح رہے کہ آغا علی اور حنا الطاف 2020 میں کورونا لاک ڈاؤن کے دوران شادی کے بندھن میں بندھے تھے۔

سال 2022 میں حنا الطاف اور آغا علی کی علیحدگی کی خبریں سامنے آئیں تھیں جس پر جوڑے نے اپریل 2022 میں افواہوں کی سختی سے تردید کی تھی۔