شیمار پلیئر آف دی منتھ ایوارڈ جیتنے والے پہلے ویسٹ انڈین کرکٹر

پیسر کو آسٹریلیا کے خلاف برسبین میں کھیلے جانے والے دوسرے ٹیسٹ میں شاندار بولنگ پراس اعزاز سے نوازا گیا۔ فوٹو: آئی سی سی

---

شیمار جوزف آئی سی سی پلیئر آف دی منتھ ایوارڈ جیتنے والے پہلے ویسٹ انڈین کرکٹر بن گئے۔

گابا ٹیسٹ کے ہیرو شیمار جوزف آئی سی سی پلیئر آف دی منتھ ایوارڈ جیتنے والے پہلے ویسٹ انڈین کرکٹر بن گئے، انھیں جنوری 2024 میں آسٹریلیا کے خلاف برسبین میں کھیلے جانے والے دوسرے ٹیسٹ میں شاندار بولنگ پر اس اعزاز سے نوازا گیا۔

یہ بھی پڑھیں: پی ایس ایل کے بعد شیمار جوزف آئی پی ایل ٹیم میں بھی شامل

انھوں نے دوسری اننگز میں 7 وکٹیں اڑاکر کیریبیئن ٹیم کو یادگار فتح سے ہمکنار کیا تھا، اسی کارکردگی کی بنیاد پر شیمار کو پہل ایچ بی ایل پی ایس ایل اور بعد میں آئی پی ایل کاکنٹریکٹ بھی ملا۔

ویمن پلیئر آف دی منتھ برائے جنوری ایمی ہنٹر کو قرار دیا گیا۔