لاہور ہائیکورٹ عمران ریاض کا نام پی این آئی ایل سے نکالنے کی درخواست پرفیصلہ محفوظ

عمران ریاض کا نام پی این آئی ایل سے نکالا جا چکا ہے، ایف آئی اے:فوٹو:فائل

---

لاہور ہائی کورٹ نے صحافی اور وی لاگر عمران ریاض کا نام پی این آئی ایل سے نکالنے کی درخواست پر فیصلہ محفوظ کرلیا۔

لاہور ہائی کورٹ کے جسٹس شجاعت علی خان نے عمران ریاض کی پی این آئی ایل سے نام نکالنے کی درخواست پر سماعت کی اور فیصلہ محفوظ کرلیا۔

پنجاب حکومت اور ایف آئی اے نے سماعت کے دوران جواب جمع کروایا جس میں ایف آئی اے نے عدالت کو مطلع کیا کہ درخواست گزار کا نام پی این آئی ایل لسٹ سے نکال دیا گیا ہے اور استدعا کی کہ درخواست گزار کی درخواست کو خارج کیا جائے۔

عمران ریاض کے وکیل نے موقف اختیار کیا کہ ان کا نام ای سی ایل میں ڈالا جارہا ہے۔ عدالت ای سی ایل سے نام نکالنے کا حکم دے۔