بابراعظم نے پاکستان سپر لیگ میں تاریخ رقم کردی
پشاور زلمی کے کپتان نے یہ سنگ میل 80 سے زائد اننگز میں انجام دیا
پشاور زلمی کے کپتان بابراعظم نے پاکستان سپر لیگ میں تاریخ رقم کردی۔
لاہور کے قذافی اسٹیڈیم میں اتوار کو کوئٹہ گلیڈی ایٹرز کے خلاف میچ میں بابراعظم پی ایس ایل میں 3000 رنز بنانے والے پہلے بلے باز بن گئے ہیں۔
بابراعظم نے یہ تاریخی سنگ میل 80 سے زائد اننگز میں انجام دیا۔ انہوں نے پی ایس ایل میچز میں 44.83 کی شاندار اوسط سے مجموعی طور پر 3004 رنز بنائے ہیں۔
مزید پڑھیں: پی ایس ایل 9؛ کوئٹہ گلیڈی ایٹرز کا فاتحانہ آغاز، زلمی کو 16 رنز سے شکست
اتوار کو کوئٹہ گلیڈی ایٹرز کیخلاف میچ میں بابراعظم نے 42 گیندوں پر 68 رنز بنائے تاہم اسکے باوجود انکی ٹیم میچ نہیں جیت سکی۔
پشاور زلمی 207 رنز کے تعاقب میں مقررہ 20 اوورز میں 6 وکٹوں کے نقصان پر 190 رنز بناسکی۔
مزید پڑھیں: 'گیم چینجنگ رن آؤٹ' پر بابراعظم کی صائم ایوب سے معذرت
بابراعظم کے پی ایس ایل کیریئر میں 29 نصف سنچریاں اور ایک سنچری شامل ہے۔
پی ایس ایل میں سب سے زیادہ رنز
بابر اعظم: 3004
فخر زمان: 2381
شعیب ملک: 2082