نگارپبلک ایوارڈ کی گولڈن جوبلی تقریب آیندہ سال ہوگی

فلم انڈسٹری سے وابستہ افراد نے نگار ایوارڈ کا سلسلے دوبارہ شروع ہونے کا زبردست خیر مقدم کیا ہے، اسلم الیاس فوٹو فائل

---

نگار ایوارڈ کو پاکستان کے سب سے بڑے اور مستند ایوارڈ کی حیثت حاصل رہی ہے۔

پاکستان کی فلم انڈسٹری کی ترقی میں نگار ایوارڈ کا کردار بے حد اہمیت کا حامل رہا ہے۔

بانی نگار الیاس رشیدی (مرحوم) نے پاکستان کی فلم انڈسٹری کی حوصلہ افزائی کے لیے اس ایوارڈ کا اجراء کیا تھا، لیکن پاکستان کی فلم انڈسٹری کی خراب صورتحال میں جب کہ فلمیں ہی نہیں بن رہی تھیں نگار ایوارڈ کا سلسلہ منقطع ہوگیا۔

تو ایوارڈ کا بھی کوئی جواز نہیں تھا 46سال باقاعدگی سے دیئے جانے والا ایوارڈ گزشتہ چار سال سے تعطل کا شکار رہا،اب ایک بار پھر نگار ایوارڈ کا سلسلہ ایک بار شروع کیا جارہا ہے اور آئیندہ سال 2013کے ابتداء میں نگار ایوارڈ کی گولڈن جوبلی تقریب کو شاندار طور پر منعقد کرنے کی تیاریاں شروع کر دی گئی ہیں،گولڈن جوبلی ایوارڈ کی یہ تقریب نگار انٹرٹینمنٹ انٹرنیشنل اور لش انٹرٹینمنٹ کے اشتراک سے منعقد کی جائے گی۔

یہ بات مدیر نگار اسلم الیاس رشیدی نے ایکسپریس سے بات چیت کرتے ہوئے کہی،انھوں نے کہا فلم انڈسٹری اب تیزی سے بہتری کی طرف گامزن ہے جس کے بعد ہم نے نگار ایوارڈ کے دوبارہ اجراء کا فیصلہ کیا، اور اب یہ ایوارڈ سال میں دومرتبہ منعقد کیے جائیں گے۔

انھوں نے کہا فلم انڈسٹری سے وابستہ افراد نے نگار ایوارڈ کا سلسلے دوبارہ شروع ہونے کا زبردست خیر مقدم کیا ہے، انھوں نے کہا گولڈن جوبلی ایوارڈ کی تقریب میں گزشتہ پچاس سال میں بہترین خدمات انجام دینے والی فلم انڈسٹری کی نامور شخصیات کو ایوارڈ دیئے جائیں۔